Mayın 20-də Tümen və Azərbaycan sahibkarları üçün beynəlxalq onlayn forum təşkil olunacaq.
“APA-Economics” “Opora Rossii” kiçik və orta müəssisələri Ümumrusiya ictimai təşkilatının yaydığı məlumata istinadən xəbər verir ki, forumda bu ölkələrdə fəaliyyət göstərən şirkətlərin rəhbərləri və nümayəndələri, habelə iqtisadi məsələlər üzrə diplomatik nümayəndəliklər və beynəlxalq təşkilatların nümayəndələri iştirak edəcəklər.
Forumun fəxri qonaqları sırasında Azərbaycanın Kiçik və Orta Sahibkarlığın İnkişafı Agentliyinin rəhbərləri və “Opora Rossii” təşkilatının vitse-prezidenti Eduard Omarov olacaqlar.
Forum iştirakçıları “Caspian European Club”un fəaliyyəti haqqında məlumat əldə edəcəklər. Bundan əlavə şirkətlərin təqdimatları keçiriləcək və işgüzar əməkdaşlıq imkanları araşdırılacaq.
Sahibkarlara həmkarlarına maraqlandıran mövzularda suallar vermək və faydalı iş əlaqələr yaratmağa imkan yaradılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
