Xarici iqtisadi fəaliyyət iştirakçıları "Yaşıl dəhliz" sayəsində 30 mln. manata qənaət ediblər

Xarici iqtisadi fəaliyyət iştirakçıları "Yaşıl dəhliz" sayəsində 30 mln. manata qənaət ediblər
  • Clock-gray 12:00
  • calendar-gray 04 Mart 2021

Bu günədək 430 hüquqi və fiziki şəxs tərəfindən idxal əməliyyatları ilə məşğul olmaq üçün Dövlət Gömrük Komitəsindən (DGK) "Yaşıl dəhliz" buraxılış sistemindən icazə əldə edib.

"APA-Economics"in məlumatına görə, bunu “Azərbaycanda Xarici Ticarətin Gömrük Statistikası” adlı konfransda çıxış edən DGK-nın sədri Səfər Mehdiyev deyib.

Onun sözlərinə görə, idxal əməliyyatlarının 40%-i məhz "Yaşıl dəhliz" iştirakçıları tərəfindən həyata keçirilib ki, bu da dəyər baxımından 4,4 mlrd. ABŞ dollar təşkil edib.

"Xarici iqtisadi fəaliyyət iştirakçıları bu sistemin tətbiqindən sonra 25-30 mln. manat həcmində vəsaitə qənaət edə bilib. İxrac əməliyyatlarında da 235 şirkət “Yaşıl dəhliz” iştirakçısı hüququnu əldə edib ki, bu şirkətlərin də ixrac əməliyyatlarında payı 33% təşkil edir. Rəqəm etibarı ilə bu göstərici 4,51 mlrd. dolları üstələyir", - deyə S. Mehdiyev qeyd edib.

O həmçinin əlavə edib ki, ümumilikdə, kənd təsərrüfatı və yeyinti məhsullarının idxalında “Yaşıl dəhliz” iştirakçısı olan şirkətlərin çəkisi 54,7% təşkil edir, gələcək illərdə bu rəqəmin 100%-ə çatdırılması planlaşdırılır.

Hüseyn Vəliyev

Digər xəbərlər