İyunun sonunadək Azərbaycanın ixrac missiyasının İsveçrəyə səfəri təşkil olunacaq.
“APA-Economics”in məlumatına görə, bunu jurnalistlərə açıqlamasında Azərbaycanda İxracın və İnvestisiyaların Təşviqi Fondunun (Azpromo) rəhbəri Yusif Abdullayev deyib.
Onun sözlərinə görə, ixrac missiyasında 20-yə yaxın şirkətin nümayəndələri iştirak edəcək.
"Eyni zamanda İsveçrənin Sürix şəhərində həm ixrac missiyası, həm də geniş biznes forum təşkil olunacaq", - deyə Y. Abdullayev əlavə edib.
Qeyd edək ki, İsveçrə-Azərbaycan biznes forumu iyunun 27-də təşkil olunacaq.