“Kontakt Home” şirkəti “WoWoman Azerbaijan” – qadınların inkişaf platforması ilə eksklüziv əməkdaşlığa başlayıb.
Şirkətdən “APA-Economics”ə verilən məlumata görə, “WoWoman” – qadınların peşəkar və şəxsi inkişafı üçün yaradılmış platformadır. 4 ildən artıq fəaliyyət göstərən platforma “Facebook”a görə dünyanın “TOP-100 cəmiyyəti” arasına düşüb, cəmiyyətin təsisçisi Zara Hüseynova isə “Forbes” jurnalının Avropada “30 under 30” siyahısına salınıb. Fəaliyyətdə olduğu dövr ərzində 8 000 nəfərdən çox qadın “WoWoman Azerbaijan”ın biznes, sahibkarlıq, proqramçılıq, “XXI əsr bacarıqları”, fərdi inkişaf və s. mövzularda təşkil etdiyi təlimlərdən faydalanıb.
“Sənin bugünkü əhatən sabah kim olacağını müəyyən edir. Məktəblər, universitetlər və cəmiyyət sürətlə dəyişən müasir dünya ilə ayaqlaşmaq üçün lazım olan həm peşəkar, həm də fərdi bacarıqları, əlaqələri tam olaraq verə bilmir. Biz müxtəlif metodlarla xanımlarımızı ilhamlandırmaq, birləşdirmək və maarifləndirməyə çalışırıq. Qadınların tələbatlarına uyğun, yüksək səviyyəli layihələrin həyata keçirilməsi üçün isə biznes dəstəyi olduqca önəmlidir. “Kontakt Home”un cəmiyyətimiz üçün etdiklərini olduqca təqdirə layiqdir. Bu əməkdaşlıqdan qürur duyuruq”, - deyə Zara Hüseynova deyir.
“Biz “WoWoman”ın uğurlarını və qadınların inkişafı üçün verdiyi töhfələri hər zaman yüksək qiymətləndirmişik. Ümumiyyətlə, qadınların cəmiyyətdəki rolunu irəli çəkmək, onların fərdi və peşəkar məqsədlərinə çatmaqlarına dəstək olmaq şirkətimizin Korporativ Sosial Məsuliyyət siyasətinin ayrılmaz parçasıdır. “WoWoman” kimi cəmiyyətlərə biznes dəstəyi vermək həmin təşkilatların cəmiyyət üçün verdiyi töhfələri daha da artıra bilər. Məhz bu səbəbdən “Kontakt Home” şirkəti “WoWoman”la əməkdaşlıq etmək qərarına gəlib. Ümid edirik ki, əməkdaşlığımız öz bəhrəsini verəcək və həyatları müsbət yöndə dəyişəcək qadınların sayı dəfələrlə artacaq”, - deyə “Kontakt Home” şirkətinin ictimaiyyətlə əlaqələr üzrə meneceri Vəfa Rüstəmova bildirib.
Qeyd edək ki, Azərbaycanın ən tanınmış yerli brendlərindən olan “Kontakt Home” 2005-ci ildən fəaliyyətə başlayıb. Hazırda şirkətin Bakı, Xırdalan, Sumqayıt və Gəncə şəhəri daxil olmaqla, ümumilikdə 24 mağazası fəaliyyət göstərir.
“Kontakt Home” mağazalar şəbəkəsində müxtəlif rəqəmsal texnikanın: mobil və dekt telefonlar, televizorlar, planşetlər, kompüter və ofis texnikası, fotoaparatlar, videokameralar, audio və video texnikalar, kiçik və böyük məişət texnikasının, eləcə də mebel və ev tekstilinin geniş çeşidi təqdim olunur.
Hazırda “Kontakt Home” şirkəti “Samsung”, “HOFFMANN”, LG, “Gorenje”, “Philips”, HTC, “Sony”, “Braun”, “Hansa”, “Kenwood”, “Redmond”, “Russell Hobbs”, “THOMAS”, “GIGASET”, “Remington”, “Toyota”, “Delonghi”, “Sonorous”, “Wexler”, “Meizu”, “Trust”, “ELARI”, “Medisana”, GGMM, “Odoyo”, həmçinin “GALA”, “Adona”, “Calitelli”, “Asoda”, “Interdesign”, “Dstill”, “Bysehpa”, “Togostyle”, “Bellissa”, “SarEv” kimi brendlərin rəsmi distributorudur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
