Bu ilin ilk yarısında Azərbaycanın qeyri-neft sektorundan dövlət büdcəsinə proqnozdan əlavə vergi daxilolmalarının məbləği 180 mln. manata yaxın olub.
"APA-Economics"in məlumatına görə, bunu “Kölgə iqtisadiyyatına qarşı mübarizə - iqtisadi inkişafın mühüm amili kimi” adlı beynəlxalq elmi-praktik konfransında çıxış edən Vergilər naziri Mikayıl Cabbarov deyib.
Onun sözlərinə görə, bu göstərici proqnozdan 112% artıq olub.
"Azərbaycan iqtisadiyyatının strukturuna nəzər saldıqda, kölgə iqtisadiyyatının məhz qeyri-neft sektorunda əhəmiyyətli mövcudluğunu müşahidə etmək olar", - deyə nazir bildirib.
M. Cabbarov onu da qeyd edib ki, kölgə iqtisadiyyatının miqyasının azaldılmasına yönələn vergi islahatlar sırasında əmək münasibətlərin şəffaflaşması mühüm yer tutur.
"Ümumilikdə, qeyri-neft sektoru üzrə dövriyyələrə nəzər salanda cari ilin 7 ayı ərzində ÜDM-in nominal ifadədə 8,3% artığı halda, Vergilər Nazirliyinin məlumatına əsasən, bu sektorda dövriyyələrin artımı bundan 1,4 faiz bəndi çox, yəni, 9,7% təşkil edib. Xüsusilə, dövr ərzində istehsal və topdan satış üzrə ümumi dövriyyə 17,8%, pərakəndə ticarət dövriyyəsi 36,3%, iaşənin dövriyyəsi isə 26% artıb", - deyə nazir əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
