Fransa şirkətləri indiyədək Azərbaycan iqtisadiyyatına 2,2 mlrd. ABŞ dolları həcmində investisiya yatırıblar.
"APA-Economics"in məlumatına görə, bu barədə Azərbaycanın İqtisadiyyat naziri Şahin Mustafayev Bakıda keçirilən Azərbaycan-Fransa biznes forumunda çıxış edərkən bildirib.
Onun sözlərinə görə, Azərbaycan şirkətləri isə Fransa iqtisadiyyatına indiyədək 2,6 mlrd. dollar vəsait yatırıb.
Nazir onu da bildirib ki, bu ilin yanvar-may aylarında Azərbaycan və Fransa arasında ticarət dövriyyəsi 53% artıb. Bundan əlavə, Fransanın Cənub Qafqaz ölkələri ilə ticarət dövriyyəsinin 62,4%-i Azərbaycanın payına düşür.
Ş. Mustafayevin sözlərinə görə, tərəflər ticarət dövriyyəsində disbalansın aradan qaldırılması sahəsində əməkdaşlıq etməlidirlər ki, qeyri-neft məhsullarının alış-verişi artsın.
Hazırda Azərbaycanda 45 Fransa şirkəti fəaliyyət göstərir. Fransa şirkətləri Azərbaycanda dəyəri 6,2 mlrd. dollar olan 34 layihədə podratçı qismində iştirak edirlər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
