Türkdilli Dövlətlərin Əməkdaşlıq Şurası (TDƏŞ) ölkələri yeni bazarlara birgə çıxmaq üçün səy göstərməlidirlər.
"APA-Economics"in məlumatına görə, bu barədə Özbəkistanın İnvestisiya və Xarici Ticarət naziri Sardor Umurzakov TDƏŞ-in VII Zirvə Görüşü çərçivəsində Bakıda keçirilən biznes forumda çıxışı zamanı bildirib.
Onun sözlərinə görə, söhbət MDB, Cənubi Asiya və Afrika bazarlarından gedir.
S. Umurzakov qeyd edib ki, bu ilin yanvar-avqust aylarında Özbəkistanın Şura ölkələri ilə ticarət dövriyyəsi 5 mlrd. ABŞ dolları təşkil edib, bu da ötən ilin müvafiq dövrünə nisbətən 20% çoxdur. Özbəkistanda TDƏŞ ölkələrinin kapitalı ilə 2 100 şirkət fəaliyyət göstərir.
Nazirin fikrinə görə, Şuraya üzv olan ölkələr arasında ticarət əlaqələrinin genişləndirilməsi olduqca vacibdir, bu baxımdan ticarət missiyalarının, tədbirlərin və sərgilərin təşkili labüddür.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
