Azərbaycan ixracatının bir neçə ölkə üzrə cəmləşməsi risklər yaradır.
"APA-Economics" xəbər verir ki, bunu "Azərbaycan: Ölkə üzrə İqtisadi Memorandumu"nun ADA Universitetində müzakirəsi zamanı Dünya Bankının Baş qərargahda Makroiqtisadiyyat, ticarət və investisiyalar praktikasının meneceri Antonio Nusifora deyib.
O bildirib ki, kənd təsərrüfatı üzrə əsas ixrac istiqaməti Rusiyadır. Pambığın 90%-i Türkiyəyə, qızılın demək olar hamısı İsveçrəyə yönəldilir. Bu isə o deməkdir ki, Türkiyədə tənəzzül olanda pambığın ixracatı, Rusiyada problem olanda kənd təsərrüfatı məhsullarının ixracı problemlə üzləşə bilər.