10 mart 2020-ci il tarixinə kredit borcu olan sahibkarların müraciəti əsasında kreditlərin faiz dərəcəsinin 10% bəndi həcmində subsidiyalar verilib.
"APA-Economics" xəbər verir ki, bunu Sahibkarlığın İnkişafı Fondunun İdarə Heyəti sədrinin vəzifələrini icra edən Osman Xaliyev Fondun fəaliyyətinin 2021-ci ilin yekunlarına dair mətbuat konfransında çıxış edərkən deyib.
Onun sözlərinə görə, proqram çərçivəsində 1 yanvar 2022-ci il tarixinə kredit qalıq məbləği 910,9 mln. manat olan 4927 müraciətə 62,5 mln. manat faiz subsidiyasının verilməsi Fond tərəfindən təsdiq edilib.
"Artıq bu məbləğin 60,5 mln. manatı sahibkarlıq subyektlərinə ödənilib. Hazırda bu mexanizm üzrə müraciətlərin qəbulu davam etdirilir",- deyə O. Xaliyev qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
