“McDonalds” Rusiya bazarında fəaliyyətini yeni brend altında davam etdirəcək.
APA-nın Moskva müxbirinin verdiyi məlumata görə, bu barədə şirkətdəki mənbədən TASS agentliyinə bildirilib.
Qeyd olunub ki, “McDonalds” iyunun ortalarından etibarən fəaliyyətini yeni brend altında, işçi ştatını və menyunu saxlamaqla davam etdirəcək.
“Əgər siz Puşkinskayadakı “McDonalds”ın (Puşkinskaya metor stansiyası yaxınlığında Moskvada ilk açılan“McDonalds” restoranı) taleyindən narahatsızsa, buna dəyməz. Yeni brend həmin binada fəaliyyət göstərəcək. Sarı rəngli ”M” hərfinin olduğu bütün binalarda restoran fəaliyyətini davam etdirəcək”, deyə mənbə bildirib.
Mənbənin sözlərinə görə, restoran ənənəvi menyunu da saxlayacaq. Mümkündür ki, burgerlərin adı dəyişsin.
***
14:17
“McDonalds” Rusiya bazarından getdiyini açıqlayıb.
APA-nın Moskva müxbiri xəbər verir ki, bu barədə şirkət açıqlama yayıb.
Bildirilib ki, “McDonalds”ın Rusiyadakı biznesinin satışına başlanılıb.
Qeyd edək ki, Rusiya Ukrayna müharibəsi səbəbindən Qərbin tətbiq etdiyi sanksiyalar çərçivəsində 500-dən çox xarici şirkət Rusiya bazarını tərk etdiyini və ya fəaliyyətini dayandırdığını açıqlayıb. “McDonalds” mart ayından etibarən Ukraynadakı müharibəyə etiraz olaraq Rusiyada fəaliyyətini dayandırmışdı. Lakin bununla belə, “fast-food” restoranlar şəbəkəsi işçilərinə əmək haqqını verməyə davam edirdi.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
