Ötən il antiinhisar və haqsız rəqabətlə bağlı 60 iş qaldırılıb və ümumilikdə 6,47 mln. manat maliyyə sanksiyası tətbiq edilib.
“APA-Economics” xəbər verir ki, bunu İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli qurumun illik fəaliyyəti ilə bağlı keçirilən mətbuat konfransında çıxışı zamanı bildirib.
“2021-ci illə müqayisədə antiinhisar və haqsız rəqabət halları üzrə qaldırılmış işlər 3 dəfə, baxılması başa çatmış işlər 2,2 dəfə artıb”, - deyə Məmməd Abbasbəyli əlavə edib.