Meksika prezidenti Andres Manuel Lopez Obrador, amerikalı həmkarı Donald Trump ilə danışıqlar zamanı OPEC + sazişi çərçivəsində neft hasilatını gündə 100 min barel (bps) azaltmağa razı olduğunu deyib.
"APA-Economics"-in məlumatına görə, bu barədə TASS Latın Amerikası dövlətinin başçısına istinadən xəbər verir.
"Prezident Trump bizimlə əlaqə saxladı, mən onunla danışdım və 100 min barel (gündə) azaldılması barədə razılıq əldə etdik", - I. Obrado qeyd edib. Onun sözlərinə görə, ABŞ Meksika tərəfindən daha kiçik əhəmiyyətli azalmanı kompensasiya etmək üçün hasilatı əlavə 250 min barel azaltmağı öhdəsinə götürür.
Qeyd edək ki, dünən OPEC-in üzv və qeyri-üzv ölkələrin nazirlərinin videokonfrans formatında keçirilən 9-cu iclasında 11 saata yaxın davam edən müzakirələrin yekununda yeni ”Əməkdaşlıq Bəyannaməsi” Meksikanın təklif olunan həcmlərlə razılaşacağı şərti ilə qəbul edilib. “Əməkdaşlıq Bəyannaməsi” qüvvəyə minəcəyi təqdirdə, “OPEC plus” ölkələri may-iyun aylarında gündəlik hasilatı 2018-ci ilin oktyabr ayı səviyyəsindən 23% olmaqla 10 mln. barrel həcmində azaldacaqlar. Bu mərhələdə hasilat öhdəlikləri OPEC ölkələri üçün sutkada 6,085 mln. barrel, qeyri-OPEC ölkələri üçün isə 3,915 mln. barel müəyyən edilib. Qeyd edək ki, OPEC və qeyri-OPEC ölkələrinin hasilatın məhdudlaşdırılması kvotalarına yalnız xam neft həcmləri daxildir. Budəfəki öhdəliklərdə kondensat həcmləri nəzərə alınmayıb. Dünya neft bazarında balansın yaradılması və neftin qiymətinin sabitləşdirilməsi məqsədilə Azərbaycan da üzərinə yeni öhdəliklər götürüb. 2018-ci ilin oktyabr ayında gündəlik xam neft hasilatı 718 min barrel olan Azərbaycan yeni Razılaşma çərçivəsində hasilatı həmin səviyyədən 164 min barel azaltmalı olacaq. Bu müddət ərzində Azərbaycan gündəlik xam neft hasilatını 554 min barel həcmində saxlamalıdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
