Avropa Komissiyası 2021-2022-ci illər üçün “Brent” markalı neftin bir barelinin orta illik qiyməti üzrə proqnozunu əhəmiyyətli dərəcədə artırıb.
“APA-Economics”in Komissiyanın qış hesabatına istinadən verdiyi məlumata görə, 2021-ci ildə “Brent” neftinin orta qiyməti 54,7 dollar olacağı ehtimal edilir ki, bu da əvvəlki proqnozla müqayisədə 10,1 dollar çoxdur.
Hesabata görə, 2022-ci ildə “Brent” neftinin bir barel üçün qiyməti 52,4 dollar səviyyəsində proqnozlaşdırılır (öncəki proqnoz 46,4 dollar səviyyəsində idi).