Azərbaycan qaz ixracını 14% artırıb

Azərbaycan qaz ixracını 14% artırıb
# 21 dekabr 2020 14:35 (UTC +04:00)

Bu ilin yanvar-noyabr aylarında Azərbaycanın xaricə qaz satışı 12 mlrd. kubmetr təşkil edib ki, bu da ötən ilin müvafiq dövrü ilə müqayisədə 14% çoxdur.

Energetika Nazirliyindən "APA-Economics"ə verilən məlumata görə, cari ilin 11 ayında 2019-cu ilin müvafiq dövrünə nisbətən Türkiyəyə 21,1% çox, yəni 10 mlrd. kubmetr qaz ixrac edilib. Gürcüstana ixrac edilən qazın həcmi 2 mlrd. kubmetr olub.

Məlumata görə, hesabat dövrü Trans-Anadolu kəməri ilə Türkiyəyə bu müddətdə 4,2 mlrd. kubmetr qaz nəql olunub. 2018-ci ilin iyun ayının 30-dan 2020-ci ilin dekabr ayının 1-dək TANAP-la Türkiyəyə təqribən 8 mlrd. kubmetr qaz nəql edilib.

#
#

ƏMƏLİYYAT İCRA OLUNUR