Azərbaycan yanvar-oktyabrda 91 min tondan çox aviasiya yanacağı ixrac edib
-
16:55
-
24 Dekabr 2020
Bu ilin yanvar-oktyabr aylarında Azərbaycan 47,856 mln. ABŞ dolları dəyərində 91 395,99 ton aviasiya yanacağı ixrac edib.
"APA-Economics"in Dövlət Statistika Komitəsinin məlumatları əsasında apardığı hesablamalara görə, hesabat dövründə ən çox aviasiya yanacağı Əfqanıstana göndərilib. Belə ki, yanvar-oktyabrda Azərbaycan bu ölkəyə 20,53 mln. dollar dəyərində 48 911,63 ton aviasiya yanacağı tədarük edib. Ölkənin ixrac bazarında ikinci olan Lüksemburqa 13,41 mln. dollar dəyərində 24 434,89 ton aviasiya yanacağı göndərilib. Üçüncü Ukrayna olub – bu ölkəyə 2,67 mln. dollarlıq 3 526,95 ton aviasiya yanacağı ixrac edilib.
Qeyd edək ki, təkcə oktyabr ayında Azərbaycandan 1,637 mln. dollar dəyərində 3 646,01 ton aviasiya yanacağı ixrac edilib. Bu, aylıq ifadədə müvafiq olaraq 71,6% və 18,6% çoxdur.
Digər xəbərlər
