Ötən il Azərbaycanda yerinə yetirilmiş geoloji-kəşfiyyat işlərinə 130,1 mln. manat və ya 2018-ci illə müqayisədə 3,6 dəfə çox vəsait sərf olunub.
"APA-Economics"in Dövlət Statistika Komitəsinə istinadən verdiyi məlumata görə, artım neft-qaz ehtiyatlarının kəşfiyyatına yönəldilmiş vəsaitin 4,3 dəfə çoxalması hesabına baş verib. Aparılmış geoloji-kəşfiyyat işlərinin 96,9% neft-qaz ehtiyatlarının kəşfiyyatına yönəldilib və bu işlərə 126,1 mln. manat xərclənib.
Qeyd edək ki, 2018-ci illə müqayisədə ötən il hidrogeoloji işlərə 9,7%, qeyri-filiz faydalı qazıntı yataqlarının kəşfiyyatına 3,1% çox vəsait sərf edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
