Azərbaycanın neft-qaz sektoruna növbəti 4 ildə 25 mlrd. manata yaxın investisiya yatırılacaq

Azərbaycanın neft-qaz sektoruna növbəti 4 ildə 25 mlrd. manata yaxın investisiya yatırılacaq
# 23 dekabr 2020 16:38 (UTC +04:00)

Azərbaycanda 2022-ci ildə neft və qaz sektoruna edilən investisiyaların həcmi 6 942,6 mln. manata çatacaq. Bu, 2021-ci ilin proqnoz göstəricisi ilə müqayisədə 3,1% çoxdur.

Bu barədə "APA-Economics" büdcə zərfinə daxil olan "Azərbaycan Respublikasının 2021-ci il və növbəti 3 il üçün iqtisadi və sosial inkişaf konsepsiyası və proqnoz göstəriciləri"nə istinadən xəbər verir.

2021-ci ildə investisiyaların həcminin 6 731,6 mln. manat olacağı gözlənilir.

Bu artıma baxmayaraq, 2023-2024-cü illərdə neft və qaz sektoruna investisiyaların həcmi azalacaq.

Belə ki, 2023-cü ildə bu göstərici 5 965,9 mln. manat, 2024-cü ildə isə 5 035,4 mln. manat təşkil edəcək, bu da 2021-ci ilin proqnoz göstəricisi ilə müqayisədə müvafiq olaraq 11,4% və 25,2% azdır.

Göründüyü kimi, Azərbaycanın neft-qaz sektoruna 2021-2024-cü illərdə 24 675,5 mln. manat həcmində investisiyaların yatıracağı gözlənilir.

#
#

ƏMƏLİYYAT İCRA OLUNUR