"Balkan axını" qaz kəmərinin tikintisi başa çatıb

"Balkan axını" qaz kəmərinin tikintisi başa çatıb
  • Clock-gray 11:00
  • calendar-gray 17 Dekabr 2020

"Balkan axını" qaz kəmərinin tikintisi başa çatıb və hazırda kəmərin istismara verilməsi istiqamətində hazırlıq işləri aparılır.

"APA-Economics"in məlumatına görə, bu barədə Rusiya mətbuatı " Bulgargaz" şirkətinə istinadən xəbər verir.

Məlumata görə, hazırda kəmərin dövlət komissiyası tərəfindən aparılan qəbul prosesindən keçir, bundan sonra "Balkan axını"nın istismarına icazə veriləcək.

Faktiki olaraq "Balkan axını" "Türk axını" qaz kəmərinin Bolqarıstan ərazisindəki davamıdır. Qaz kəmərinin uzunluğu 474 km-dir.

"Türk axını" kəməri Rusiyadan Türkiyə, Cənubi və Cənubi-Şərqi Avropaya qaz tədarükünü təmin etmək məqsədilə Qara dənizin dibi ilə çəkilib. Qaz kəmərinin illik ötürmə gücü 31,5 mlrd. kubmetr təşkil edəcək.

Emil İsmayılov

Digər xəbərlər