Belarus tərəfindən alınan ABŞ nefti ilə yüklənmiş ilk tankerin Litvanın Klaypeda limanına iyunun 5-dək gəlməsi gözlənilir.
"APA-Economics"in məlumatına görə, bunu RİA "Novosti"yə Belarusun "Belneftexim" konserninin mətbuat katibi Aleksandr Tişenko bildirib.
Qeyd edək ki, tanker 80 min ton həcmində ABŞ neftini Klaypedaya gətirəcək.
"Tanker mayın 16-da Texasdakı Bomont limanından yola salınıb. Onun Klaypeda limanına iyunun 5-dək gəlməsi gözlənilir", - deyə A. Tişenko qeyd edib.
O həmçinin bildirib ki, limandan neft "Naftan" Neft Emalı Zavoduna daşınacaq və bunun üçün təxminən 10 gün vaxt tələb olunacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
