Martın 5-dən etibarən Belarus neft məhsullarının Rusiya limanlarına çatdırılmasına başlanıb.
“APA-Economics”in məlumatına görə, bu barədə Rusiya Nəqliyyat Nazirliyinin açıqlamasında deyilir.
“Mozır NEZ” ASC Ust-Luqa dəniz limanındakı “Portenergo” MMC terminalına 5 min tondan çox Belarus benzini göndərib. Sözügedən məhsul terminala martın 9-da çatdırılacaq. Martın 6-da “Mozır NEZ”dən məhsulların ikinci partiyası göndərilib – 3,6 min ton benzin Sankt-Peterburqdakı dəniz limanında aşırılacaq.
Xatırladaq ki, fevralın 19-da Rusiya və Belarus arasında Belarusun neft məhsullarının Rusiya Federasiyasının dəniz limanları vasitəsilə ixracına dair müqavilə imzalanıb. 2021-2023-cü illərdə 9,8 mln. ton mazut, benzin və yağların Rusiyanın Baltikdəki dəniz limanlarında daşınması həyata keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
