Bundestaq: ABŞ-la "Şimal axını-2" mövzusunda irəliləyişlər var

Bundestaq: ABŞ-la "Şimal axını-2" mövzusunda irəliləyişlər var
# 04 dekabr 2020 16:20 (UTC +04:00)

Almaniya Bundestaqının iqtisadiyyat və energetika komitəsinin rəhbəri Klaus Ernst ABŞ ilə "Şimal axını-2" qaz kəməri layihəsi ətrafında müzakirələrdə irəliləyişlərin olduğunu bəyan edib.

"APA-Economics"in Rusiya mətbuatına istinadən verdiyi məlumata görə, hazırda ABŞ Avropa hökumətlərini və onların orqanlarını sanksiyalardan azad etmək istəyir və bu istiqamətdə danışıqlar aparılmalıdır.

K. Ernst onu da qeyd edib ki, danışıqlar zamanı Almaniyanın federal hökuməti birmənalı şəkildə ölkənin və Avropa İttifaqının suverenliyi məsələsi müzakirə obyekti ola bilmədiyini vurğulamalıdır.

Xatırladaq ki, "Şimal axını-2" layihəsi Rusiya sahillərindən Baltik dənizi ilə Almaniyaya qədər, illik gücü 55 mlrd. kubmetr olan iki qaz xəttinin inşasını nəzərdə tutur.

#
#

ƏMƏLİYYAT İCRA OLUNUR