Ötən il Türkiyənin "BOTAS International Limited" (BIL) şirkəti tərəfindən Ceyhan neft terminalından 210 767 244 barel neft 278 tankerə yüklənilərək yola salınıb.
Bu barədə "APA-Economics" Türkiyənin "Anadolu" agentliyinə istinadən xəbər verir.
Məlumata görə, 2019-cu ildə terminaldan 233 175 907 barel neft yola salınıb. Beləliklə, 2019-cu ilin göstəricisi ilə müqayisədə ötən il terminaldan 9,6% az neft yola salınıb.
Qeyd edək ki, Ceyhan neft terminalından ümumilikdə 2020-ci ilin sonunadək 3 571 015 467 barel neft 4 659 tankerə yüklənilərək yola salınıb.
Ceyhan limanından Xəzərin Azərbaycan sektorunda yerləşən "Azəri-Çıraq-Günəşli" (AÇG) neft-qaz yataqlarından hasil edilən və digər ölkələrinin nefti nəql edilir.
Xatırladaq ki, BIL 2001-ci ildən etibarən Bakı-Tbilisi-Ceyhan neft kəmərinin Türkiyə ərazisində istismarı ilə məşğul olur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
