EIA neftin qiymətləri üzrə proqnozunu artırıb

EIA neftin qiymətləri üzrə proqnozunu artırıb
  • Clock-gray 09:44
  • calendar-gray 07 Aprel 2021

ABŞ-ın Energetika Nazirliyi yanında Energetika İnformasiyası Administrasiyası (EIA) "Brent" markalı neftin qiyməti üzrə proqnozunu artırıb.

"APA-economics"in EIA-in aylıq hesabatına istinadən verdiyi məlumata görə, 2021-ci ildə sözügedən markalı neftin ortalama qiymətinin 62,28 dollar səviyyəsində olacağı gözlənilir, bu, əvvəlki proqnozla müqayisədə 1,61 dollar çoxdur.

Məlumata görə, 2022-ci ildə bu göstəricinin 60,49 dollar səviyyəsində olacağı gözlənilir (1,98 dollarlıq artım).

EIA-in hesablamalarına görə, ötən il "Brent" markalı neftin bir barelinin orta qiyməti 41,69 dollar olub.

Hesabata görə, WTI markalı neftin orta qiyməti 2021-ci ildə 58,89 dollar (ötən proqnoza əsasən 57,24 dollar) səviyyəsində olacağını proqnozlaşdırır. 2022-ci ildə isə bu göstəricinin 56,74 dollara çatacağı gözlənilir (öncəki proqnoz 54,75 dollar səviyyəsində olub).

Hesabatda həmçinin qeyd olunur ki, ötən il WTI markalı neftin orta qiyməti 39,17 dollar olub.

Emil İsmayılov

Digər xəbərlər