Qaz İxrac edən Ölkələr Forumunun (GECF) proqnozuna görə, 2050-ci ildə qlobal təbii qaza olan tələbatın təqribən 33,6%-i ixracın hesabına təmin ediləcək.
"APA-Economic"in GECF-in 2050-ci ilədək qaz bazarı üzrə proqnozuna ("Global Gas Outlook 2050") istinadən verdiyi məlumata görə, 2050-ci ildə təbii qaza olan qlobal tələbat 5,92 trln. kubmetrə yaxın olacaq, bunun da 1,99 trln. kubmetri ixrac ediləcək.
Hesabata görə, 2050-ci ildə müxtəlif ölkələr tərəfindən idxal edilən qazın 1,105 mlrd. kubmetri GECF-in üzv ölkələrinin payına düşəcək. GECF üzvlərinin tərkibi dəyişilməz qalacağı halda, onların bu bazarda payı 56% civarında olacaq.