Gürcüstan Azərbaycandan elektrik enerjisinin idxalını 35% azaldıb

Gürcüstan Azərbaycandan elektrik enerjisinin idxalını 35% azaldıb
  • Clock-gray 11:00
  • calendar-gray 20 Avqust 2020

Bu ilin yanvar-iyul ayları ərzində Gürcüstan Azərbaycandan 21 689,3 min ABŞ dolları dəyərində elektrik enerjisi idxal edib.

APA-nın yerli bürosu xəbər verir ki, bu barədə Gürcüstan Milli Statistika İdarəsinin hesabatında qeyd olunub.

Bildirilib ki, Azərbaycandan idxal olunan elektrik enerjisinin dəyəri illik ifadədə 9 899,7 min dollar və ya 31,3% azalıb. Belə ki, 2019-cu ilin ilk 7 ayında Gürcüstanın Azərbaycandan idxal etdiyi elektrik enerjisinin dəyəri 31 589 min dollar təşkil edib.

Gürcüstan Elektrik Enerjisi Sistemi Kommersiya Operatorunun (ESCO) hesabatına əsasən, Gürcüstan cari ilin yanvar-iyul ayları ərzində Azərbaycandan 416,514 mln. kV-saat elektrik enerjisi idxal edib ki, bu da ötən ilin eyni dövrü ilə müqayisədə 224,854 mln. kV-saat və ya 35% azdır.

Səid Babazadə

Digər xəbərlər