İran və Rusiya neft-qaz sektorunda əməkdaşlığı genişləndirəcək

İran və Rusiya neft-qaz sektorunda əməkdaşlığı genişləndirəcək
  • Clock-gray 10:01
  • calendar-gray 22 Dekabr 2020

İran və Rusiya arasında neft-qaz sektorunda texniki əməkdaşlığın genişləndirilməsinə dair razılıq əldə olunub.

"APA-Economics"in Rusiya mətbuatına istinadən verdiyi məlumata görə, bu barədə İranın neft naziri Bijan Zanqane bildirib.

Məlumata görə, İranın neft naziri Rusiyanın Baş nazirinin müavini Aleksandr Novak və energetika naziri Nikolay Şulginovla danışıqlar aparıb.

"Rusiya rəsmiləri ilə görüş zamanı neft və qaz sektorunda texniki əməkdaşlığın inkişafı barədə razılığa gəldik", - B. Zanqane vurğulayıb.

Nazir əlavə olaraq qeyd edib ki, İran və Rusiya neft bazarındakı vəziyyətin sabitləşdirilməsi və "OPEC+" çərçivəsində əməkdaşlıq barədə fikir mübadiləsi aparıb. B. Zanqanenin fikrincə, hər iki tərəfin bu mövzu ətrafında fikirləri yaxındır və hər iki ölkə bazarın sabitliyini qorumaq lazım olduğuna əmindir.

B. Zanqane Tehranın neft sənayesinin Rusiya investisiyalarında maraqlı olduğunu bildirib və Rusiyanı strateji tərəfdaş adlandırıb.

Emil İsmayılov

Digər xəbərlər