İraq "OPEC+" çərçivəsində neft hasilatını azaltmaqda problemlərlə üzləşib

İraq "OPEC+" çərçivəsində neft hasilatını azaltmaqda problemlərlə üzləşib
  • Clock-gray 13:25
  • calendar-gray 01 May 2020

İraq öz ərazisində fəaliyyət göstərən xarici neft şirkətləri ilə danışıqlarda çətinliklər üzündən “OPEC+” (Neft İxrac Edən Ölkələr Təşkilatında və təşkilata daxil olmayan ölkələri əhatə edən neft istehsalının azalması üzrə təşəbbüs) razılaşması çərçivəsində müəyyən edilmiş neft hasilatı üzrə azalmanı (gündəlik 1 mln. barel həcmində) təmin etməyə bilər.

APA-Economics”in məlumatına görə, bu barədə “Reuters” öz mənbəyinə istinadən xəbər verir.

Məlumata əsasən, ölkənin neft nazirliyi yerli neft şirkəti olan “Basrah Oil Co”ya tapşırıq verib ki, şirkət öz yataqlarında (yerli şirkətlər tərəfindən idarə olunan yataqlar daxil olmaqla) gündəlik neft hasilatını 700 min. barel azaltsın.

Lakin “Reuters” hazırda BP, “ExxonMobil”, “Lukoil” və “Eni” kimi böyük şirkətlər tərəfindən istehsalın azaldılması çağırışlarına müqavimət göstərdiyini qeyd edir.

Emil İsmayılov

Digər xəbərlər