"OPEC+" Monitorinq Komitəsinin iclası gecikir

"OPEC+" Monitorinq Komitəsinin iclası gecikir
  • Clock-gray 17:37
  • calendar-gray 31 Mart 2021

"OPEC+"ın (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs) Texniki Komitəsinin görüşünün başlanması bir qədər gecikir.

"APA-Economics"in Rusiya mətbuatına istinadən verdiyi məlumata görə, "OPEC+"ın Texniki Komitəsinin iclası Bakı vaxtı ilə saat 19:00-da başlayacaq.

Məlumata görə, görüş Bakı vaxtı ilə saat 16:00 başlamalı idi, lakin danışıqların davam etməsi səbəbindən bir qədər gecikir.

Qeyd edək ki, "OPEC+" ölkələri nazirlərinin 13-cü və 14-cü iclaslarında gündəlik xam neft hasilatı üzrə mövcud kvotaların fevral, mart və aprel aylarında davam etdirilməsi ilə bağlı razılaşma əldə edilib. Qərarlara əsasən, Azərbaycanın qeyd edilmiş dövr üzrə öhdəliyinin yanvar ayında olduğu kimi 123 min barel həcmində qalacağı nəzərdə tutulub. Gündəlik xam neft hasilatı isə 595 min barel səviyyəsində saxlanılacaq. "OPEC+" ölkələrinin gündəlik xam neft hasilatı üzrə ixtisarları isə apreldə 6,9 mln. barel təşkil edəcək. Xatırladaq ki, bu ilin fevral ayında Azərbaycan üzrə gündəlik neft (kondensatla birlikdə) hasilatı 741 min barel olub. Qeyd olunan həcmlərin 593 min barelini xam neft, 148 min barelini isə kondensat təşkil edib. Bununla da Azərbaycan “OPEC+” razılaşması çərçivəsində öhdəliklərini, demək olar, tam yerinə yetirib.

Emil İsmayılov

Digər xəbərlər