"OPEC+" nazirlərinin iclası yanvarın əvvəlində keçiriləcək

"OPEC+" nazirlərinin iclası yanvarın əvvəlində keçiriləcək
  • Clock-gray 14:45
  • calendar-gray 07 Dekabr 2020

"OPEC+" (OPEC-in (Neft İxrac Edən Ölkələr Təşkilatı) və təşkilata daxil olmayan ölkələri əhatə edən neft istehsalının azaldılması üzrə təşəbbüs) nazirlərinin növbəti görüşü 4 yanvar 2021-ci il tarixində baş tutacaq.

Bu barədə "APA-Economics" "Bloomberg"ə istinadən xəbər verir. Rusiyanın Nazirlər Kabineti iclasın sözügedən tarixə planlaşdırıldığını təsdiqləyib. Bundan öncə "OPEC+" nazirləri növbəti ay üçün gündəlik 500 min barel həcmində neft hasilatını artırma planını təsdiqləmək məqsədilə hər ay alyans toplantılarını keçirməyə razılığa gəlib.

Xatırladaq ki, OPEC-in üzv və qeyri-üzv ölkələrinin nazirlərinin 12-ci iclasında gündəlik neft hasilatının 2021-ci ilin yanvar ayı üçün 7,2 mln. barel azaldılması və "OPEC+" nazirlərinin hər ay keçiriləcək görüşləri vasitəsilə gündəlik hasilatda artımın 0,5 mln. bareldən çox olmaması şərti ilə aylıq tənzimləməsi barədə qərar qəbul edilib. Sözügedən qərarı Azərbaycan da dəstəkləyib.

Emil İsmayılov

Digər xəbərlər