"OPEC+" ölkələri neft hasilatının azaldılması üzrə kvotanı 108% təmin edib

"OPEC+" ölkələri neft hasilatının azaldılması üzrə kvotanı 108% təmin edib
# 10 iyul 2020 12:42 (UTC +04:00)

Bu ilin iyun ayında neft hasilatını gündəlik 9,7 mln. barel azaldılması barədə razılaşmaya qatılan "OPEC+" (OPEC və təşkilata daxil olmayan ölkələri əhatə edən neft istehsalının azaltması üzrə təşəbbüs) ölkələri kvotanı 108% təmin edib.

Bu barədə "APA-Economics" Beynəlxalq Enerji Agentliyinin (IEA) hesabatına istinadən xəbər verir.

Hesabata əsasən, bu göstəriciyə Səudiyyə Ərəbistanı tərəfindən əlavə olaraq 1 mln. barel azaldılan neft hasilatını da daxildir.

Qeyd edək ki, may ayında neft hasilatını gündəlik 9,7 mln. barel azaldılması barəsində razılaşmaya qatılan "OPEC+" ölkələri kvotanı 87% təmin ediblər. OPEC-in 10 ölkəsi razılaşmanı 84%, qeyri-OPEC ölkələrini isə 92% yerinə yetiriblər.

Energetika Nazirliyinin öncə verdiyi məlumatına görə, Azərbaycan iyun ayında “OPEC+” çərçivəsində öhdəliyini tam yerinə yetirib.

Xatırladaq ki, aprel ayının 12-də "OPEC+" ölkələri nazirlərinin 10-cu iclasında qəbul edilmiş tarixi razılaşma ümumilikdə gündəlik xam neft hasilatının may-iyunda 9,7 mln. barel, iyul-dekabrda 7,7 mln. barel, 2021-ci ildən 2022-ci ilin aprel ayının sonuna qədər 5,8 mln. barel azaldılmasını nəzərdə tuturdu.

Bununla yanaşı, OPEC-in üzv və qeyri-üzv ölkələrinin nazirlərinin iyunun 6-da video-konfrans formatında keçirilən 11-ci iclasında gündəlik neft hasilatının 9,7 mln. barel azaldılması ilə bağlı mövcud kvotanın müddətinin daha 1 ay, iyulun sonunadək uzadılması barədə qərar qəbul olunub.

#
#

ƏMƏLİYYAT İCRA OLUNUR