Sənaye və energetika

Ana səhifə

Qlobal neft-qaz şirkətləri xərclərini 20% azaldır

01 aprel 2020 16:14 (UTC +04:00)

Dünyanın ən böyük neft və qaz şirkətləri bu il koronavirus epidemiyası və neftin aşağı qiymətləri fonunda xərclərini azaldır.

"APA-Economics"in "Reuters"ə istinadən verdiyi məlumat görə, "Saudi Aramco" və "Royal Dutch Shell" də daxil olmaqla səkkiz nəhəng neft şirkəti bu il üçün planlaşdırılmış 142 mrld. ABŞ dolları həcmində olan xərclərini 20% və ya 28 mlrd. dollar azaltmağa qərar verib.

Qeyd edək ki, BP 2020-ci il üçün xərc planını 25% azaldıb. Şirkət ABŞ-ın şist neft və qaz bazarında da hasilatı azaldacaq.

İnvestorların proqnozlarına görə, mövcud böhranın davam edəcəyi təqdirdə, sözügedən neft şirkətləri tərəfindən elan edilən xərclərin azaldılması borc səviyyələrini artırmadan divident əldə etmələri üçün kifayət etməyəcək.