Rusiyada 2020-ci ilin noyabr ayında neft və qaz-kondensat hasilatı əvvəlki ilin eyni ayı ilə müqayisədə 11,3% azalaraq 40,959 mln. ton təşkil edib.
Bu barədə "APA-Economics" Rusiyanın Yanacaq və Enerji Kompleksinin Mərkəzi Dispetçer İdarəsinə istinadən xəbər verir.
Məlumata görə, ilin əvvəlindən istehsal 8,4% azalaraq 470,16 mln. tona enib. Bu ilin nəticələrinə görə, Rusiyada neft hasilatı illik müqayisədə 10% azalacaq.
Qeyd edək ki, Rusiya Azərbaycanla birgə "OPEC+" (OPEC – Neft İxrac Edən Ölkələr Təşkilatı və təşkilata daxil olmayan ölkələri əhatə edən neft hasilatının azaldılması üzrə təşəbbüs) razılaşmasının iştirakçısıdır.