"SOCAR Türkiyə" ixrac marşrutlarını dəyişib

"SOCAR Türkiyə" ixrac marşrutlarını dəyişib
  • Clock-gray 15:52
  • calendar-gray 10 Aprel 2020

Yeni növ koronavirusun (COVİD-19) yayılması səbəbindən "SOCAR Turkey Enerji A.Ş" ("SOCAR Turkey" – SOCAR-ın Türkiyədə ki törəmə müəssisəsi) neft-kimya məhsullarının ixrac marşrutlarını dəyişib.

APA-Economics”in məlumatına görə, bu barədə "SOCAR Turkey Enerji A.Ş"-in baş icraçı direktoru Zaur Qəhrəmanov “Anadolu Ajansı”na deyib.

“Neft-kimya istehsalımızın 50%-nı Avropa ölkələrinə, əsasən Almaniya, İtaliya, İspaniyaya ixrac edirdik, lakin bu ölkələr “COVİD-19”-dan ən çox aziyyət çəkənlər sırasındadırlar. Buna görə ixrac marşrutlarımız dəyişdi və yolumuzu şərqə yönəltdik. Ümid edirik ki, “COVİD-19”-dan sonra köhnə bazarlarımıza qayıda biləcəyik”, - deyə, Z. Qəhramanov qeyd etdi.

Onun sözlərinə görə, “COVİD-19”-dan sonra biz həm iqtisadi, həm da siyasi cəhətdən yeni bir (fərqli – red.) dünyada yaşayacağıq. “Buna hazır olmalıyıq”.

Qeyd edək ki, SOCAR-ın Türkiyədə "Petkim" neft-kimya kompleksi (əsas payı SOCAR məxsusdur – red.) var.

Xatırladaq ki, 3 aprel 1965-ci il tarixində başda Türkiye Petrolleri Anonim Ortaklığı (TPAO) olmaqla təsis edilən "Petkim" fəaliyyətə 1970-ci ildə Kocaelidəki Yarımca Kompleksinə daxil olan 5 zavodun qurulması ilə başlamışdır. 30 may 2008-ci il tarixində keçirilmiş hərracda "Petkim Petrokimya Holdinq" A.Ş.-nin səhmlərinin 51%-i 2 milyard 40 milyon dollara SOCAR&Turcas Enerji A.Ş. tərəfindən əldə edilmişdir.

Hazırda "Petkim"in nəzdində aşağı sıxlıqlı polietilen, yüksək sıxlıqlı polietilen, polipropilen, polivinil xlorid, akrilonitril, etilen qlikol, saflaşdırılmış turşu, aromatik karbohidrogenlər, etilen-propilen, xlor qələvi, vinil xlorid monomer, plastik işlər və ftal anhidridi fabrikləri fəaliyyət göstərir. Türkiyə sanayesini xammalla təchiz edən "Petkim"in istehsal etdiyi neft-kimya məhsulları inşaat, kənd təsərrüfatı, elektrik enerjisi, elektron, tekstil sənayesində, eyni zamanda əczaçılıq, boya, yuyucu məhsullar, kosmetika məhsulları istehsalı və digər sahələrdə geniş istifadə olunur.

 

Emil İsmayılov

Digər xəbərlər

Arxiv

date