SOCAR: "Abşeron" yatağından qaz ilk növbədə daxili bazara yönəldiləcək

15:23
02 Dekabr 2019

Xəzərin Azərbaycan sektorunda yerləşən “Abşeron” qaz-kondensat yatağında hasil ediləcək qaz ilk növbədə ölkənin daxili tələbatının ödənilməsinə yönəldiləcək.

“APA-Economics”in “APA TV”ə istinadən verdiyi məlumata görə, bu barədə SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib.

Onun sözlərinə görə, “Abşeron” yatağında qaz hasilatına 2021-ci ildə start veriləcək.

“"Abşeron" yatağından qaz ilk növbədə daxili tələbat üçün nəzərdə tutulur, çünki bizim üçün prioritet ilk növbədə Azərbaycanda tələbatın qarşılanması, yerdə qalan həcmləri isə ixraca yönəltməkdir”, - deyə İ. Əhmədov qeyd edib.

SOCAR-ın nümayəndəsi onu da əlavə edib ki, hazırda qaz ehtiyatları təxminən 400 mlrd. kubmetr təşkil edən “Abşeron” yatağında infrastrukturun yaradılması aparılır.

“Abşeron” dəniz blokundan kəşfiyyat, inkişaf və paylaşılan saziş haqqında razılaşma 27 fevral 2009-cu il tarixində imzalanıb. Hazırda layihənin iştirakçıları SOCAR (50%) və "Total" (50% – layihənin operatoru) şirkətləridir. Müqavilə 30 il müddətinə imzalanıb.

Qeyd edək ki, bu yaxınlarda yataqda kəşfiyyat-hasilat quyusunun qazılması və konservasiyası bitib.

“Abşeron” qaz-kondensat yatağı Xəzər dənizində, “Azəri-Çıraq-Günəşli” yataqlar blokundan cənub-qərbdə, dənizin 500 metr dərinliyində yerləşir. Yatağın işlənməsinin I mərhələsində ildə 1,5 mlrd. kubmetr qaz, 700 min ton kondensat hasilatı nəzərdə tutulur. “Abşeron” yatağından 2022-2023-cü illərdə isə illik hasilatın ən azı 4 mlrd. kubmetrə qədər artacağı gözlənilir.

Yatağın operatoru “SOCAR Absheron” və “Total E&P Absheron” törəmə şirkətlərinin bərabər paylarla iştirak etdiyi JOCAP (“Joined Operating Company Absheron Petroleum”) birgə müəssisəsidir.

Emil İsmayılov

Digər xəbərlər

XƏBƏR LENTİ

BÜTÜN XƏBƏRLƏR

Xəbərimiz var

“France 24” Ağdam haqqında: Bəzən onu “Qafqazın Xirosiması” adlandırırlar - VİDEO

Kəlbəcərin Vəng kəndindən - VİDEOGÖRÜNTÜLƏR

Baş Prokurorluq və DİN işğaldan azad olunmuş ərazilərə səfər etməməklə bağlı vətəndaşlara xəbərdarlıq edib

Diplomatik korpusun nümayəndələri işğaldan azad olunmuş Ağdamda səfərdədir

Hikmət Hacıyev: “Diplomatik korpusun nümayəndələri Tərtərdə Ermənistanın amansız raket hücumlarının nəticələrinin şahidi oldular” - VİDEO

Diplomatik korpusun nümayəndələri Tərtərdə səfərdədir

Kəlbəcər rayonunun İstisu qəsəbəsindən - VİDEOGÖRÜNTÜLƏR

Fuat Oktay: “Türkiyə hərbçiləri ən qısa zamanda Azərbaycandakı vəzifələrini icra edəcəklər”