"Total" rebrendinqə hazırlaşır

"Total" rebrendinqə hazırlaşır
  • Clock-gray 13:17
  • calendar-gray 09 Fevral 2021

Fransanın "Total" neft-qaz şirkəti tullantıların azaldılmasını nəzərdə tutan transformasiya planı çərçivəsində adını dəyişmək niyyətindədir.

"APA-Economics"in Rusiya mətbuatına istinadən verdiyi məlumata görə, rebrendinqdən sonra şirkət "TotalEnergies" adlanacaq.

Məlumata görə, sözügedən plan enerji istehsalında mayeləşdirilmiş qaz, alternativ və elektrik enerjisindən istifadənin genişləndirilməsini, neft məhsullarından istifadənin isə 55%-dən 30%-dək azaldılacağını nəzərdə tutur. Bu prosesin cari onillikdə baş verəcəyi nəzərdə tutulub.

Məlumata görə, bu məqsədlə səhmdarların illik yığıncağında şirkətin adının dəyişdirilməsi məsələsi müzakirəyə çıxarılacaq.

Xatırladaq ki, "Total" şirkəti Azərbaycanda SOCAR-la birlikdə "Abşeron" yatağının işlənməsi layihəsində iştirak edir. "Abşeron" yatağı Xəzər dənizinin Azərbaycan sektorunda, Bakıdan cənub-şərq istiqamətdə yerləşir. Yatağın işlənməsi SOCAR və "Total" şirkətlərinin birgə müəssisə olan JOCAP tərəfindən həyata keçirilir.

Emil İsmayılov

Digər xəbərlər