Türkiyə hökuməti "Akkuyu" AES-in üçüncü enerji blokunun inşasına icazə verib.
"APA-Economics"in məlumatına görə, bu barədə Türkiyənin Enerji və Təbii Sərvətlər Nazirliyinin açıqlamasında deyilir.
“"Akkuyu" AES-in üçüncü enerji blokunun inşası üçün lisenziya verilib. İlk reaktor 2023-cü ildə istismara veriləcək və enerji portfelimiz yeni bir enerji mənbəyi ilə şaxələndiriləcək. "Akkuyu" AES-in enerjisi bütün Türkiyəni işıqlandıracaq”, - açıqlamada deyilir.
Qeyd edək ki, "Akkuyu" Türkiyənin cənub sahillərində inşası davam etdirilən atom elektrik stansiyasıdır. VVER-1200 tipli reaktorlu dörd enerji blokunun inşasını və istismara verilməsini əhatə edən AES Rusiya layihəsi əsasında inşa edilir. Zavodun tikinti müqaviləsi 2010-cu ilin may ayında imzalanıb. İnşasının tamamlanmasından sonra "Akkuyu" Türkiyənin ilk nüvə enerji stansiyası olacaq. Stansiyanın 2023-cü ildə istismara verilməsi nəzərdə tutulur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
