Ötən həftənin yekunlarına görə, ABŞ-ın kommersiya nefti ehtiyatları 4 553 min barel azalaraq 413 297 min barel təşkil edib.
"APA-Economics"in məlumatına görə, bu barədə ABŞ-ın Energetika Nazirliyi yanında Energetika İnformasiyası Administrasiyasının (EIA) dərc etdiyi hesabatda bildirilir.
Məlumata əsasən, bundan öncə analitiklər ABŞ-ın kommersiya neft ehtiyatlarının 1 904 min barel azalacağını proqnozlaşdırırdı.
Qeyd edək ki, ABŞ-ın neft ehtiyatları ardıcıl yeddi həftədir azalır.
ABŞ-ın neft ehtiyatları haqqında məlumatlar dünya bazarında "qara qızıl"ın qiymətinə əhəmiyyətli dərəcədə təsir edir.