Avropa İttifaqının Rusiyanın enerji resurslarından mərhələli şəkildə imtina planı digər ölkələrdən qaz idxalını, həmçinin bərpa olunan enerjinin payının artırılmasını nəzərdə tutur.
“APA-Economics”in Rusiya mətbuatına istinadən verdiyi xəbərə görə, bu barədə Avropa Komissiyasının (AK) rəhbəri Ursula fon der Leyen bildirib.
Onun sözlərinə görə, Aİ 2030-cu il üçün bərpa olunan enerjinin payını 45%-ə çatdırmaq istəyir. Eyni zamanda, ümumi enerji istehlakının 13% azaldılması nəzərdə tutulur.
Ursula fon der Leyen qeyd edib ki, bir il ərzində (2021-ci ilin aprelindən 2022-ci ilin aprelinə qədər) Avropa İttifaqı Rusiya qazının istehlakını 40%-dən 26%-ə endirməyə nail olub.