Avropa İttifaqı ölkələrində qışa hazırlıq çərçivəsində yeraltı qaz anbarlarının dolumluluq səviyyəsi orta hesabla 82%-ə yaxınlaşıb.
"APA-Economics"in məlumatına görə, bu barədə "Gas Infrastructure Europe" Assosiasiyasının (Avropanın qazın nəqli sistemləri operatorları assosiasiyası) məlumatlarında bildirilib.
Məlumata görə, hazırda qeyd olunan göstərici 81,92% təşkil edir və Avropanın yeraltı qaz anbarlarında olan ümumi qazın həcmi 88,6 mlrd. kubmetrə yaxındır.
Qeyd olunub ki, qazvurma templəri hazırkı səviyyədə (gündəlik 0,4% bəndi civarında – red.) qalsa və kəskin soyuqlar baş verməsə, Avropa şirkətləri sentyabrın sonuna qədər qaz anbarlarını 90% dolduracaq.
Xatırladaq ki, bu il Aİ ölkələri 1 noyabr 2022-ci il tarixinədək yeraltı qaz anbarlarını ən azı 80% və sonrakı bütün qış dövrlərində isə 90% doldurmağı öhdələrinə götürüblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
