Bu ilin yanvar-iyun aylarında Azərbaycan 15,83 mln. tondan artıq xam neft və bitumlu minerallardan alınan xam neft məhsulları ixrac edib ki, bu da ötən ilin müvafiq dövrü ilə müqayisədə 16,7% çoxdur.
“APA-Economics”in Dövlət Gömrük Komitəsinin hesabatı əsasında apardığı hesablamalara görə, ötən dövr ölkədən ixrac edilən xam neft və bitumlu minerallardan alınan xam neft məhsullarının dəyəri 7,67 mlrd. ABŞ dollarından çox olub ki, bu da 2018-ci ilin ilk yarısı ilə müqayisədə 10,45% artım deməkdir.
Qeyd edək ki, yanvar-iyunda neft və bitumlu minerallardan alınan xam neft məhsullarının Azərbaycanın ümumi ixracında payı 76,87% təşkil edib.