Bu ilin yanvar-oktyabr aylarında Azərbaycanda neft məhsullarının istehsalı sahəsində istehsalın ümumi dəyəri 3 294,1 mln. manat olmaqla, əvvəlki ilin yanvar-oktyabr ayları ilə müqayisədə 6% azalıb.
Dövlət Statistika Komitəsindən “APA-Economics”ə verilən məlumata görə, hesabat dövründə yanacaq mazutunun istehsalı 2,1 dəfə, neft bitumu istehsalı 3,7% artıb.
Məlumata görə, hesabat dövründə yanacaq mazutunun istehsalı 2,2 dəfə, neft bitumu istehsalı 2,2 faiz, avtomobil benzininin istehsalı 0,7% artıb.
Qeyd olunur ki, hesabat dövründə ölkədə dizel yanacağının istehsalı 18,9%, neft koksunun istehsalı 24,7%, neft-kimya sənayesində istifadə üçün benzin istehsalı 29,2%, sürtkü yağlarının istehsalı isə 33,1% azalıb.
Xatırladaq ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.
Qeyd edək ki, bu ilin aprel-may aylarında NEZ-in fəaliyyəti planlaşdırılmış profilaktik işlərin aparılması üçün müvəqqəti olaraq dayandırılıb, bu da məhsulların istehsal həcminə təsirini göstərib.
Azərbaycanda neft məhsullarının dinamikası:
Məhsul növləri |
Yanvar-oktyabr 2022-ci il |
İllik müqayisə, % |
Avtomobil benzini, min ton |
1 037 |
100,7 |
Neft-kimya sənayesində istifadə üçün benzin, min ton |
242,3 |
70,8 |
Ağ neft, min ton |
464,1 |
115 |
Dizel yanacağı, min ton |
1 673,3 |
81,1 |
Yanacaq mazutu, min ton |
76,2 |
2,2 dəfə |
Sürtkü yağları, min ton |
32,4 |
66,9 |
Neft bitumu, min ton |
308,1 |
102,2 |
Neft koksu, min ton |
165,5 |
75,3 |