"AzerGold” Qapalı Səhmdar Cəmiyyətinin Müşahidə Şurasının tərkibinə dəyişiklik edilib.
APA xəbər verir ki, bu barədə Prezident İlham Əliyev sərəncam imzalayıb.
Sərəncama əsasən, Azərbaycan Respublikasının İqtisadiyyat Nazirliyi Aparatının Sənaye şöbəsinin müdiri müşahidə şurasının üzvləri siyahısından çıxarılıb. Onun əvəzinə siyahıya Azərbaycan Respublikası iqtisadiyyat nazirinin müavini əlavə edilib.
Eyni zamanda siyahıdan “Samir Qurbanov ‒ Azərbaycan Respublikasının Ekologiya və Təbii Sərvətlər Nazirliyinin tabeliyində Dövlət Mineral Xammal Ehtiyatlarından İstifadə Agentliyinin İdarə Heyətinin sədri” üzvlükdən çıxarılıb və yerinə “Faiq Mütəllimov – Azərbaycan Respublikasının Ekologiya və Təbii Sərvətlər Nazirliyi Aparatının Ekoloji siyasət şöbəsinin müdiri” əlavə edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
