“Biz Birləşmiş Ştatlarla Azərbaycan arasında diplomatik münasibətlərin 30 ili ərzində transmilli təhdidlərlə mübarizə, enerji təhlükəsizliyinin təmin olunması, habelə ikitərəfli ticarət və sərmayələrin təşviqi üzrə güclü tərəfdaşa çevrilmişik. Beynəlxalq Xəzər Neft və Qaz sərgisini keçirdiyiniz bir vaxtda Sizi əmin etmək istəyirəm ki, Birləşmiş Ştatlar Azərbaycanın sadiq tərəfdaşı olaraq qalır”.
APA xəbər verir ki, bu, ABŞ Prezidenti Cozef Baydenin Prezident İlham Əliyevə ünvanladığı və 27-ci Bakı Enerji Forumunun rəsmi açılışında oxunan məktubunda əksini tapıb.
“Biz dünyanın hər yerində enerji təhlükəsizliyimizi təmin etmək və eyni zamanda, təmiz enerjiyə keçid üçün uzunmüddətli öhdəliklərimizi yerinə yetirmək məqsədilə zəruri sərmayələr qoymaq və dəyişikliklər etmək şəraitindəyik. Enerji təhlükəsizliyi məqsədlərimizə nail olmaq üçün şaxələndirmə həmişəkindən daha vacibdir və Azərbaycan bu məqsədə nail olmaq üçün göstərilən regional səylərdə mühüm rol oynayıb. Azərbaycan, həmçinin regionda və dünyada bazarların sabitləşdirilməsinə kömək etmək üçün Trans-Xəzər əməkdaşlığının böyük potensialının gerçəkləşdirilməsi baxımından önəmlidir. Azərbaycan Cənub Qaz Dəhlizi və Ukraynaya vacib yanacaq təchizatı da daxil olmaqla Avropa enerji təhlükəsizliyinin təmin olunmasında çox vacib rol oynayır.
Şaxələndirilmiş iqtisadiyyatın təşviqi, bərpa olunan enerji mənbələrinə sərmayələr vasitəsilə iqlim dəyişikliyi ilə qlobal mübarizəyə töhfə, qanunun aliliyi və hesabatlılığın gücləndirilməsi, habelə Azərbaycan xalqının həyat şəraitinin yaxşılaşdırılması da daxil olmaqla Azərbaycanın tam potensialına nail olmaq üçün atdığınız davamlı addımları alqışlayıram. Birləşmiş Ştatlar davamlı tərəfdaşlığımıza və əməkdaşlığımıza sadiqdir”, - məktubda qeyd olunub.
***
10:43
“Azərbaycanla ABŞ 30 illik əlaqələr zamanı güclü tərəfdaşa çevrilib”.
APA xəbər verir ki, bu, ABŞ Prezidenti Cozef Baydenin Prezident İlham Əliyevə ünvanladığı və 27-ci Bakı Enerji Forumunun rəsmi açılışında oxunan məktubunda əksini tapıb.
Cozef Bayden bildirib ki, ABŞ hökuməti Azərbaycanla əməkdaşlığa sadiqdir.
Qeyd edək ki, ABŞ Prezidenti Cozef Bayden 27-ci Bakı Enerji Forumunun rəsmi açılışına məktub göndərib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
