Novruz Məmmədov növbəti müddətə ARNDF-ın Müşahidə Şurasının sədri seçilib

Novruz Məmmədov növbəti müddətə ARNDF-ın Müşahidə Şurasının sədri seçilib
  • Clock-gray 17:29
  • calendar-gray 04 İyul 2019

Azərbaycan Respublikası Dövlət Neft Fondunun (ARDNF) Müşahidə Şurasının iclası keçirilib. ARDNF-ın Müşahidə Şurasının qərarı ilə Azərbaycan Respublikasının Baş naziri Novruz Məmmədov növbəti müddətə Müşahidə Şurasının fəaliyyətdə olan sədri seçilib.

Fonddan "APA-Economics"ə verilən məlumata görə, iclasda Fondun 2018-ci il üzrə maliyyə fəaliyyəti haqqında illik hesabatına, ARDNF-ın 2018-ci il büdcəsinin icrası barədə məsələlərə baxıldı. Müşahidə Şurası tərəfindən ARDNF-nin 2018-ci ildə maliyyə fəaliyyəti haqqında hesabatına dair müstəqil auditorun (“PwC Azərbaycan” MMC) rəyi, 2018-ci il büdcəsinin icrası barədə Azərbaycan Respublikası Hesablama Palatasının rəyi, habelə ARDNF-ın 2018-ci il büdcəsinin gəlirlərinin 17 614,1 milyon manat və yaxud 115,0 faiz səviyyəsində, büdcə xərclərinin isə 11 455,6 milyon manat və ya 99,8 faiz səviyyəsində icra edildiyi nəzərə alınaraq, ARDNF-ın 2018-ci il büdcəsinin icrasının təsdiq olunmaq üçün Azərbaycan Respublikasının Prezidentinə təqdim edilməsi qərara alındı.

Müşahidə Şurası tərəfindən eyni zamanda ARDNF-ın fəaliyyətini tənzimləyən normativ hüquqi aktlarda ARDNF-ın maliyyə və büdcəsinin icrası barədə hesabatların son təqdim edilməsi müddətində dəyişikliklərin edilməsi məqsədəuyğun hesab edildi və bu dəyişikliklərin Azərbaycan Respublikasının Prezidentinə təqdim edilməsi tövsiyə edildi.

Emil İsmayılov

Digər xəbərlər

Arxiv

date