Energetika Nazirliyi elektrik və qaz təchizatı şəbəkələrində araşdırmalar aparıb

Energetika Nazirliyi elektrik və qaz təchizatı şəbəkələrində araşdırmalar aparıb
  • Clock-gray 09:50
  • calendar-gray 09 İyul 2019

Bu ilin yanvar-iyun aylarında Energetika Nazirliyinin tabeliyində olan Enerji Məsələlərini Tənzimləmə Agentliyi tərəfindən büdcədən maliyyələşən istehlakçıların elektrik və qaz təchizatı şəbəkələrində ümumilikdə 1004 sayda araşdırma aparılıb.

APA-Economics”ə Energetika Nazirliyindən verilən məlumata görə, elektrik qurğularının texniki istismar, təhlükəsizlik texnikası qaydalarına əməl olunması və elektrik enerjisindən istifadənin vəziyyəti ilə əlaqədar büdcədən maliyyələşən istehlakçılarda 542 sayda texniki araşdırma aparılıb. 

Eyni zamanda, büdcədən maliyyələşən müəssisələrdə qazdan səmərəli istifadənin və qaz qurğularının etibarlı istismarının təmin edilməsinin, həmçinin Azərbaycan Respublikasının qanunlarının, “Qazdan istifadə Qaydaları”nın və müvafiq sahəyə dair digər normativ hüquqi aktların tələblərinə əməl olunmasının vəziyyətinin araşdırılması məqsədi ilə 462 obyektdə yoxlama keçirilib, məlumatda deyilir.

Emil İsmayılov

Digər xəbərlər

Arxiv

date