Beynəlxalq Enerji Agentliyi (IEA) 2023-cü ildə gündəlik qlobal neft hasilatı üzrə proqnozunu 0,4 mln. barel artıraraq, 1,6 mln. barelə çatdırıb.
“APA-Economics”in Agentliyin aylıq hesabatına istinadən verdiyi məlumata görə, cari ildə ortalama gendəlik qlobal neft hasilatı 101,6 mln. barel səviyyəsində olacaq.
"Bütövlükdə il üçün qlobal neft hasilatının sutkada 1,6 mln.barel artacağını gözləyirik, aparıcı templər ABŞ və Braziliyanın payına düşəcək. Bu, 2022-ci ildə gündəlik 4,6 mln. barel olan nəhəng artımdan sonra (“OPEC+” razılaşması hesabına – red.) kəskin azalmadır", - IEA-nın mütəxəssisləri hesab edir.
Ötən ay IEA qlobal neft hasilatının sutkada 1,2 milyon barel artaraq 101,3 milyon barelə çatacağını proqnozlaşdırmışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
