İranla nüvə dosyesinə dair razılaşma layihəsi sazişin imzalandığı tarixdən etibarən 120 gün ərzində ölkənin 50 milyon barel neftin ixracını nəzərdə tutur.
“APA-Economics”in verdiyi xəbərə görə, bu barədə “Əl-Cəzirə” mənbələrə istinadən xəbər verir.
KİV-in məlumatına görə, sənəd imzalandıqdan dərhal sonra İranın 17 bankı və 150 şirkətindən sanksiyaların götürülməsini, həmçinin müqavilədən yenidən çıxacağı təqdirdə ABŞ-ın cərimələnməsini nəzərdə tutur.
"Avropanın nüvə sazişini canlandırmaq təklifi hər biri 60 gün üçün nəzərdə tutulmuş dörd mərhələdən ibarətdir. Sazişin imzalanmasından sonrakı ilk gündə İranın 17 bankı və 150 şirkətindən sanksiyalar götürüləcək", - mənbələr əlavə ediblər.
Bundan əlavə, məlumatlı mənbələrə görə, İranla saziş layihəsində Cənubi Koreyanın İrana 7 milyard dollar qaytarması şərti də var.
Qeyd olunur ki, saziş imzalandıqdan sonra onun həyata keçirilməsinin ilk günündən Tehran nüvə proqramının həyata keçirilməsindən tədricən imtina etməyə başlayacaq.