Nazir: "Dövlət müəssisələrini dərhal özəlləşdirməklə heç nəyə nail olmayacağıq"

Samir Şərifov, maliyyə naziri

© APA | Samir Şərifov, maliyyə naziri

# 25 may 2022 13:52 (UTC +04:00)

“Dövlət müəssisələrini dərhal özəlləşdirməklə heç nəyə nail olmayacağıq”.

APA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında “Azərbaycan Respublikasının 2021-ci il dövlət büdcəsinin icrası haqqında” qanun layihəsinin müzakirəsi zamanı maliyyə naziri Samir Şərifov deyib.

Nazir bildirib ki, bizdə tarif sahəsində çox ehtiyatlı siyasət aparılır: “Çalışılır ki, tariflər kəskin surətdə artmasın. Dövlət büdcəsindən bu tariflərdə olan fərq bağlanılır. Ötən ilin əvvəlində bir çox neft məhsulları üzrə liberallaşdırmaya getdik. Biz faktiki olaraq qaz üzrə qiymətləri 2 dəfəyə qədər artırdıq. Amma bu, indi dünyada qazın qiyməti ilə müqayisədə çox aşağıdır. Hökumət bu məsələlərdə çox ehtiyatla davranır”.

#
#

ƏMƏLİYYAT İCRA OLUNUR