Azərbaycanın Energetika Nazirliyi Kəlbəcərdə 180 meqavat külək enerjisi potensialına malik ərazilər üzrə dünyanın nüfuzlu şirkətindən qiymət təklifi gözləyir.
"APA-Economics" xəbər verir ki, bu barədə jurnalistlərə açıqlamasında energetika nazirinin müavini Elnur Soltanov bildirib.
Onun sözlərinə görə, qeyd olunan ərazilər şirkət tərəfindən külək turbinlərinin quraşdıra biləcəyi və xəritədə ilkin mərhələdə müəyyənləşdirilən sahələrdir.
"Bu istiqamətdə işlər gedir. Onlardan qiymət təklifini gözləyirik", - nazir müavini vurğulayıb.
Şirkətin adını açıqlamasa da, Elnur Soltanov bu şirkətin Azərbaycanda artıq fəaliyyətdə olduğunu və müəyyən layihələr həyata keçirdiyini qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
