Türkiyə ərazisi ilə Balkan ölkələrinə qazın tranziti məsələsi öz həllini tapıb.
“APA-Economics”in verdiyi xəbərə görə, bu barədə fevralın 3-də Bakıda Cənub Qaz Dəhlizi Məşvərət Şurası çərçivəsində keçirilən nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclaslarının yekunlarına dair mətbuat konfransı zamanı Azərbaycanın energetika naziri Pərviz Şahbazov bildirib.
Onun sözlərinə görə, Türkiyə ərazisi ilə qazın nəqli ilə bağlı heç bir məsələ yoxdur. Hazırda Türkiyə üzərindən digər Avropa ölkələrinə və xüsusən Balkan ölkələrinə qazın çatdırılması üzrə hazırlıq işləri aparılır.
“Tranzitlə bağlı hər hansı xüsusi sənəd imzalanmasına ehtiyac yoxdur. Vaxtilə tranzit işləri ilə bağlı müvafiq sənədlər imzalanıb”, - Pərviz Şahbazov qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
